農村長工嘆苦歌
作者：林德鳳
正月十外酒肉空，手巾一條鞋一雙，人人問涯去奈位，涯講上街接長工。
二月長工係可憐，頭家帶涯到田邊，上坵巡到下坵轉，喊涯趕緊做秧田。
三月長工係可憐，掮擔秧苗去蒔田，十指尖尖插落去，背囊彎彎向上天。
四月長工係可憐，掮擔肥料去落田，四個田角落到轉，湖蜞老蟹喊五天。
五月長工係可憐，手夯钁頭去巡田，田頭田尾都麼水，頭家怨涯涯怨天。
六月長工係可憐，掮擔穀子打腳偏，過個田缺倒了穀，頭家又罵扣工錢。
七月長工係可憐，抬張耙子去耙田，牛軛掛起牛肩上，大汗流來跌落田。
八月長工係可憐，掮擔月餅擺街前，一年一個過中秋，唔准長年聊一天。
九月長工係可憐，掮擔茶 上茶煙，上山爬到下山轉，扯爛衫褲又麼錢。
十月長工係可憐，霜雪打下白連連，頭家在內涯在外，冷風入骨喊王天。
十一月長工係可憐，夯張犁投犁荒田，上坵犁到下坵轉，愛喊頭家算加錢。
十二月長工又一年，檢齊衫褲轉過年，轉去爺？也 歡喜，打開包袱麼隻錢。
沒有留言:
張貼留言